Deportes e mocidade

A linguaxe do corpo na ludoteca

A linguaxe debe coidarse ao máximo, xa que a comunicación non é só falada ou escrita, senón que tamén se dá por medio de expresións corporais e ata cos silencios. Os estados de ánimo exprésanse por medio de xestos, a forma de vestirse e ata polo olor. E que mellor que xogar e divertirse para aprender a controlar A LINGUAXE DO CORPO. Así, as actividades que realizaremos serán as seguintes:

- Luns 20: MONICREQUES DE DEDOS (elaboración de monicreques de feltro con diferentes expresións).

- Martes 21: XINCANA DAS EMOCIÓNS (xogo de probas para identificar emocións).

- Mércores 22: TEATRO-DANZA (obra de teatro e danza sen emitir sons).

- Xoves 23: XOGOS DE EXPRESIÓN CORPORAL (xogos de psicomotricidade e expresión corporal).

- Venres 24: SAÍDA A SAMERTOLAMEU: MERENDA E XOGOS (sairemos da ludoteca ás 17.30 horas e o regreso será ás 19.30 horas. Hai que levar merenda, roupa cómoda e gorra. Reserva de prazas na ludoteca ou no teléfono 986315038).

Vidal Bolaño e as letras galegas

A vindeira semana celebramos a semana de Galicia coa festividade das Letras Galegas. Para coñecer mellor os nosos costumes, a nosa xeografía, os xogos e a persoa homenaxeada este ano, realizaremos unha serie de divertidas actividades baixo o nome VIDAL BOLAÑO E AS LETRAS GALEGAS:

- Luns 13: ARCANO, O XOGO DE GALICIA (xogo de mesa sobre Galicia).

- Martes 14: XOGOS TRADICIONAIS (contamos coa colaboración da A.VV. A PRAIA-SEARA, que ten recompilados xogos tradicionais que nos deixa para xogar na ludoteca).

- Mércores 15: XOGOS TRADICIONAIS (contamos coa colaboración da A.VV. A PRAIA-SEARA, que ten recompilados xogos tradicionais que nos deixa para xogar na ludoteca).

- Xoves 16: VIDAL BOLAÑO (xogo para descubrir o máis importante da vida e da obra deste autor).

Pasarémolo xenial!

Axenda deportiva do mes de maio

Un mes máis o concello de Moaña volve estar repleto de actividades deportivas, podes velas premendo en axenda

Axenda

Europeando na ludoteca

O xoves 9 de maio, celebraremos na ludoteca o Día de Europa. E para coñecer mellor o continente ao que pertencemos, baixo o nome de EUROPEANDO realizaremos divertidas actividades durante toda a semana:

- Luns 6: RECEITARIO EUROPEO (elaboración dun receitario coas comidas máis típicas de diferentes países europeos).

- Martes 7: EUROXINCANA (xogo de probas e preguntas pola ludoteca).

- Mércores 8: MINIDICIONARIO (obradoiro dun minidicionario con catro idiomas e palabras básicas para comunicarse nos diferentes países europeos).

- Xoves 9: BINGO EUROPEO (xogo típico do bingo pero con países e monumentos de Europa).

- Venres 10: SAÍDA AO CONTACONTOS NA BIBLIOTECA DE QUINTELA: "ONDE VIVEN OS MONSTROS" de Sherezade Bardagi. Sairemos ás 17.15 horas da ludoteca e o regreso será ás 19.30 horas. Inscrición previa.

Campus de verán no IFEVI

O Concello de Moaña colabora co Campus de VERÁN no IFEVI que ten por obxectivo promocionar e fomentar a diversidade deportiva para que as nenas e os nenos de primaria teñan a posibilidade de coñecelos e poidan practicalos no futuro.

Dirixido a: nenos e nenas que naceron entre o 1 de xaneiro de 2002 e o 31 de decembro de 2007.

Lugar de realización: nas instalacións do Instituto Feiral de Vigo, IFEVI, na avenida do aeroporto 772, Vigo.

Prazo de inscrición: ata o 15 de xuño.

As persoas que queiran inscribirse teñen á súa disposición as follas de inscrición no Servizo de Información da Casa do Concello de Moaña e na Casa da Mocidade.

Folla de inscrición

Máis artigos...

O máis lido

Últimas Novas

Procuras..

Bótalle un ollo a ...

A lúa está en...

moon phases