Actividades Culturais nas Festas do Carme 2010. Goleta Nieves en Moaña.8/7/10
A Concellería de Cultura organiza, en Colaboración coa Central Folque, dous días de actividade abordo da Goleta Nieves, coincidindo coa celebración das festas do Carme. Nesta ocasión, contaráse con dous días de actividade, a noite do 14 e a mañá do 15 de Xullo, nas que se poderá disfrutar de concertos de tres das mellores voces femininas do mundo Folk galego.
Ademais de poder desfrutar da espectacularidade dunha embarcación clásica de comezos de século no peirao de pasaxeiros.
O prezo para os concertos será de 6€, mentres que as actividades para os nenos serán gratuítas.
|
Presentouse a programación de actividades para este ano na BIbiblioteca Municipal de Quintela.(19/3/2010)
Un ano mais, presentase a programación xeral de actividades para este ano na biblioteca de Quintela. Co obxetivo de dinamizar e animar a lectura a ós mais novos e a maiores.
- 31/03/2010 ás 18:00 horas. OS BOLECHAS. Caramuxo Teatro presenta unha comedia musical con monicreques sobre "Os Bolechas". Un espectáculo que conta un día na vida de esta divertida familia, onde coñecer as ocorrencias de Tatá, a Chispa, a Braulio e Carlos, á pequena Sonia ou a Pili e Loli as xemelgas. Web
- 09/04/2010 ás 18:00 horas. CONTOS DO DEMO, por Fantoches Baj. O dito popular "cando chove e quenta o sol, anda o Demo por Ferrol" é a orixe desta selección de contos de diferentes tradicións europeas. A través de cancións, de xogos de animación e da palabra vanse narrando tres historias nas que o demo finalmente sae escaldado.
- 16/04/2010 ás 18:00 horas. UN SOÑO DE CONTOS, por Fátima Fernández. Contos interactivos adaptados ao público infantil buscando a máxima participación
- 23/04/2010 ás 21:00 horas. RECITAL POÉTICO, por Darío Xohán Cabana. Poesía italiana do Duecento e Trecento: Doce Estilo Novo, Dante, Petrarca
- 07/05/2010 ás 18:00 horas. CONTOS DA LÚA, por Santi Prego. Dous contos con bonecos, dous ou tres contos con participación dos nenos e dous ou tres contos narrados Web
- 22/05/2010 ás 17:00 horas. CICLOBIBLIOTECA, pola Asociación Cultural Papaventos. Ciclocarros convertidos en bibliotecas móbiles. Esta actividade de animación a lectura participa do xogo, da animación e da concienciación sobre o respecto ao medio ambiente. Lugar de realización: parque infantil da Seara
- 28/05/2010 ás 18:00 horas. ¿A QUE CHEIRAN OS CONTOS?, Por Tarabelos. O cheiro que aínda queda dos contos antigos, dos contos de sempre. Presentamos dous contos clásicos, baixo o título: "¿A que cheiran os contos?". A técnica utilizada é a "narración ilustrada", utilizando títeres, teatro de sombras, máscaras,escenarios e outras técnicas teatrais para ilustrar a narración do contacontos. No espectáculo combínanse dous contos. Os contos que ofrecemos son: "O gato con botas" IRMÁNS GRIMM (Ilustrado con títeres de luva e de boca, escenario e teatro de sombras) "Pulgarciña" ANDERSEN (Ilustrado con títeres de dedo, de boca, planos e escenario). Web
- 11/06/2010 ás 18:00 horas. CONTAMOS TODOS: OBRADOIRO DE CONTACONTOS PARA PAIS, por Amalia Pérez Otero. Analizaránse os aspectos positivos da lectura e dos libros na casa, veremos o que a literatura actual nos ofrece no tocante aos libros para nenos. Aprenderemos dun xeito divertido a contar e inventar contos aos fillos coa finalidade de que sexa un momento de encontro entre eles e os pais e, asemade, fomentar o gusto pola lectura.
- 17/09/2010 ás 18:00 horas. A RÚA DAS PANTASMAS, por Títeres Cascanueces. Esta é unha aventura máis do valente Xanciño e a espilida María. Ocorre que a casa de Maria está e ser visitada por aparicións, pantasmas e ata o mesmísimo demo. Só o inxenio de María mailas picardías de Xoanciño lograrán derrotalos. Web
- 29/10/2010 ás 18:00 horas. MUNDOS CONTADOS, por Talía Teatro. Din que cada persoa é un mundo, pero Samba, a nosa protagonista, garda varios mundos dentro dela. Din que a Terra tamén é un mundo, pero se nela viven milleiros e milleiros de persoas, en realidade a Terra son milleiros de mundos diferentes. De entre todos eses mundos, Sambas vai escoller uns poucos para contarnos as súas historias. Son, polo tanto, mundos contados, mundos que existen desde hai moito tempo. Algúns permanecen, outros non. O que si conservamos son os seus contos. Xa se sabe, mentres hai memoria, hai esperanza. Web
- 12/11/2010 ás 18:00 horas. KAMISHIBAI "PAKO TAKUMA E A COVA" (piano e violín-Juan Carlos Vázquez), por Marisa Irimia. Kamishibai (relato dun conto co apoio de ilustracións orixinais ao estilo xaponés) sobre a historia de Pako Takuma, con música orixinal de piano e violín.
- 22/11/2010 ás 16:00 horas. OBRADOIRO DE ESCRITURA, por Estíbaliz Espinosa. Obradoiro de escritura -xogos e prestidixitación literaria - osmoses e intertextos entre as linguaxes literaria, musical, cinematográfica e publicitaria. Web
- 3/12/2010 ás 18:00 horas. MENÚ DE CONTOS, por Charo Pita. Existen encontados de moitísimos tipos: princesas, sapos, bruxos, bonecos, trenes, fabas, reis, lúas, xabesubupanpasus, dragóns, camelas... todas e todos encontados en palabras. Como os tomates en conserva ou os mexillóns en escabeche. E a lata vaise abrindo pouco a pouco, frase a frase, dicindo moi pachorrento cos labios relaxados e as orellas frescas. É importante sentir nos oídos o regosto peculiar de cada historia. Iso alimenta. Como o leite condensado ou os melocotóns doces. Hai historias salgadas ao xeito das patacas fritidas sempre alegres e riseiras. Outras son misteriosas como os paquetes de gotogrós que xa non se venden nas tendas. Hai historias tristes como os botes de espárragos e tan tenras como os filetes de merluza. Depende do menú do día. De como veña a encontadora. De como sexa a fame dos que escoitan. Pero todas dun xeito ou outro axudan a medrar porque teñen vitamina I de Imaxinativas. OBXECTIVOS DA MONTAXE: As historias que se narran nesta sesión de contos pertencen ao repertorio da narradora, algunhas foron fabuladas por ela, outras recolleunas da tradición milenaria ou dos libros que poboan os seus andeis. Co espectáculo preténdese fomentar a comunicación libre e imaxinativa entre individuos, ao tempo que, nun mundo onde os medios visuais tenden a acaparalo todo, estimular a escoita dos máis cativos. A solidaridade, a capacidade de inventar, o optimismo, a relación co medio ambiente, a igualdade social, vital e amorosa entre persoas, aparecen nos persoeiros que poboan estes relatos orais dunha forma sutil, no xeito que se teñen de se comportar, de entender o mundo e de resolver os seus conflictos.
|